(عزتي فوق لو الخفوق مخنوق ) مصآفحه أولى لعآلم الروآيآت

سمعت اصوآتتهم في الصاله .. وتأففت عارفه الاسطوآنه الي دايم يفتحونهآ ..
نآظرت نفسها في مراية المدخل وهي تقول : ( آه يا انعكاسي .. الحين بدخل وتنعاد الاسطوآنآت .. من يسكتهم الا انتي يا منولتي .. الله يرحمك الله يرحمك .. )
هزت راسها .. هي لازم تكون قويه .. لازم تكون مثل ما منال تتمنى لازم تغير وضعهم .. هذي الافكار كانت تدور ف راس العنود وتزيدها ثبات ..
دخلت الصاله وبصوت عالي واثق عكس داخلها .. : السلام على من خاف الرحمن
طريقتها في السلام تخوف .. اجبرتهم يردون السلام .. ولو ان بعد الناس ما ترد متناسيه انه واجب ..
كانت عبايتها في يدها .. عطتهم مظره سريعه مقيمه للامور .. امها واختها في طرف المجلس .. والباقي متصدرين .. لا الوضع تغير .. اسمحولي خسرنا منال وما عندنا شي نخسره الحين .. كنا نُسلب .. بس الحين راح يرجع مع الفوائد ..
تقدمت الين وصلت صدر المجلس .. كانوآ جالسين كلهم ع الجنب اليسار .. راحت ع جهة اليمين .. ورفعت السماعه ومررت اصابعها .. : مرحبا ساندي .. هاتي بسرعه 2 عصير مشكل وواحد منجأ .. وخلي ناني تروح تجيب الاكياس الي بسيارة مشعل .. سريع سريع اوك ..
نزلت السماعه وارتفع صوت فوزيه ..: خير ان شاءالله .. متـــ
قاطعتها : اسكتي بس ما ابي اسمع صوتك .. اسوم فاتك نص عمرك
ما امداها تكمل كلامها الا صوت منيره .. : انتي صدق مو متربيه بس وش نرجي منكم اللهم لا شماته .. وبعدين وش تبين بسيارة ولدي لا يكون من طبوبك انتي وامك ..
عطتها العنود نظره واشرت بيدها اسكتي بس .. : اقولك اسوم واحنا في الفيصليه تخيلي بوعبدالله شاف وحده صغيره شكلها من لبنان او من هالطقه طالعه تركض من محل .. يقولي صدق ربي يحبني اذا طلعت وراها حرمه بتزوجها ... وما امداه يتم كلامه .. الا طلعت وراها عجوز يااالله تتحرك
عاد قلت له : من جد ربك يحبك عارف مستواك هههههههههههههههههههههه
ضحكت اسماء من قلب هي وهاجر لان عند بالنسبه لهم ملجأ .. دومها ملجأهم .. ودومها تتعذب عنهم .. بس اليوم ضحكوآ باستغراب من تغير الوضع العاده هالدور دور منال ..

دخلت ساندي وقربت العصير للعنود بس العنود وقفت واخذت منها الصينيه وقالت لها تروح تساعد ناني في الاكياس ويجيبونها هنا في الصاله ..
مدت العصيرات لامها وهي تهمس يمه سامحيني لازن اكون قويه عشان نعيش .. هزت امها راسها وابتسمت لها برضا .. وقربت من اسماء .. ومدت لها العصير على دخلت ناني وساندي بالاكياس ..
عطت ساندي العصير بعد ما نزلت الثانيه الاكياس في الارض عند كرسي هاجر .. واخذت العنود العصير وهي تقولها مشكوره ساندي .. ابتسمت وراحت ..
الباقي كانوآ يناظرون العنود .. وش هالتصرفات .. الجمتهم جرأتها الي على الغير العاده في اجتماعاتهم الجاما ..
حطت عصيرها ع الطاوله .. وقربت منها روان وهي تهز خصرهآ .. : خير خير من وين هالاكياس ..
طنشتها وقربت من امها .. وكالعاده جلست ع الطاوله الي قبال امها ..
منيره : لايكون هالاكياس لمشعل ..
فوزيه : عنيد ومرض خلي هالاكياس ويله لغرفتك .. وقامت تساند بنتها الي واقفه ورا العنود وتهز رجلهآ ..
الاء : بعد حراميه .. لا حول الله ..
التفتت لهم وهي تقول : انتوآ ليش تدورون الشقا .. من عطاكم فيس .. خلاص ياخي اسكتوآ وخلوني اعرف اكلم امي .. وهـ وش هالهمج الي طحنا بينهم ..
روآن بدلع : الله واعلم من الهمج الي حتى الطاولات ما ترتاح منهم .. انزلي يا ماما لا تتكسر الطاوله ..
العنود صحكت باستهزاء .. وناظرت اسماء وهي تاشر وراها : شفتي اسوم هذا اكبر مثال ع السخافه وعلى الغيره .. شافت جسمي ما فيه ترهلات وسفوط قالت ارمي بالكلام .. يالله يالناس المريضه ادعيلهم ادعيلهم ..
اسماء كل الي تسويه تضحك على تعليقات اختها .. وهاجر ساكته وتدعي ربي يمررها في نفسها ..
وقفت العنود .. وواست ملابسهآ .. قالت لعمتها فوزيه وهي تاشر ع الاكياس : وخري يا ماما وخري باخذها .. وسحبت الاكياس وطلعت الي فيها توريهم وش شرت ..
روان عصبت وقالت : همج ..
التفت العنود من بين سواليفها لامها وهي ع الطاوله : هذا الي قدرتي عليه .. ورجعت تكمل كلامها
فوزيه بنرفزه : الكلام هذا ما يمشي عندي انا بكلم ابوي شوف لك دبره
وطلعت من الصاله معصبه ..
العنود ولا كأن شي صار : وش رايكم حلو ..؟!
اسمآء : عنوده والله هبااال .. شي ذوووق خقييت مع هالقطع .. بس وشلون شريتي بهالسعر ..
العنود : بوعبدالله ما يقصر بعدين حقوقنا مو عياله مجبور يصرف علينآ ..
هاجر : عنود رجعيهم ما نبيهم ..
العنود : يمه خلي عنك الحساسيه بس .. بعدين هذا من راتبي ماله منه ..
هاجر طيرت عيونها :: وشو ..
العنود : ايه هو بيشغلني عنده .. وهذا مقدم من الراتب .. يعني بيخصمه ..
هزت هاجر راسها : لاحول الله
نطت العنود على الكيس الاخير وسحبت جلابيه فخمه .. مزيج من التركوآز والبني .. بس البني يطغى ع التركوآز .. وقربتها من امها وحبت راسها وجلست تستهبل عليها : يالله مه عاد خلاص لا تصيرين زعوله .. مامي بلا دلع خلينا نعيش .. وبحركات هبلآ كملت .. ولا تخافين انا بتجند وبدافع عنكم ..
ضحكت هاجر على هبال العنود الي متغيره شخصيتها 180 درجه .. وشاركتهم اسماء الضحك ..
ووراهم ناس تقطع في جلودهم ..
ارتفع اذان العشاء .. وسحبت العنود امها واسماء شالت الاكياس ودخلوآ غرفت امهم واسماء ..
.................................
فوزيه دخلت المجلس على ابوها واخوانها .. وهي معصبه
: وش هالكلام يا ابوي .. خلاص انا وصلت حدي من هالبنت .. تطلعها من البيت يعني تطلعها ..
على صراخها وقفوآ اخوآنهآ من اماكنهم ..
عبدالله : وشو خير خير ان شاءالله وش صاير ..
سليمآن ابتسم وحس انها العنود ..
راشد : وش فيك يا فوزيه ..
العيال كانوآ على الدوري ما خلصوه .. بس ستارت عشان يشهدون الموقف .. ونظراتهم تتابع .. من هي هالي جننتها .. مجننه الجميع
فوزيه جلست قدام ابوها .. : والله يا ابوي انت معطي هالعنود وجه .. تمردت تمردت علينا ما عاد تسمع الكلام ..
عبدلله وهو يجلس : الله حسيبك يا فوزيه وانا على بالي فيه شي ع هالصراخ ..
راشد جلس مع اخوه .. ويترقب وش مسويه هالعنود ..
سعد وهو يضحك ويهمس لمشاري : والله يا هالنود مجننه بعمتي فوزيه بشكل .. ما تصدق كل يوم جايه تتشكا منها
مشاري : اوووما .. فزفز احد يجنن بها ..
سليمان وما زال مبتسم : الحين انتي معصبه وشايله الدنيا وش مسويه عنيد
عبدالله : تكلمي والله لو مسويه شي لاهجدها بهالعقال ..
ربت ابوه على فخذه : اهجد اهجد بس ... فوزيه الحين ليش معصبه ..
فوزيه والضغط واصل ماكس : الحين موديها بنفسك تمشيها .. وداخله بأكياس الدنيا .. وتتصرف في البيت كنه بيتها
راشد : وبعدين
فوزيه : وشو بعدين انت الثاني ... حتى كلامي ما تسمعه .. ما كني راعية البيت .. بعدين وراك توديها بدون ما تقولي ..
سليان اعتدل بعد ما كان متركي : فوزيه لا يكون اخذ التصريح بحركاتي منك .. اعقلي عاد .. وهذي بنتي حالها حال الباقي .. وبعدين هي ما اخطت .. رافعه الصوت في وجهي عشاني موديها ..
استحت ع وجها وقامت حبت راسه : موب قصدي يا ابوي بس من قهري من تصرفاتها
راشد التفتت ومسك الجريده : والله الي ما عندك سالفه ..
عبدالله : يا ابوي لا تكبر راسها وتسوي سوات اختها ..
فوزيه : ايه هذا الي انا اقوله .. ما تعجبني هالبنت ابد ..
سليمان ولا كنهم يكلمونه : مشعل ابيك بكره تنزل الشركه وتجيب ملف العقود والختم .. وجبلي بعد المحامي ابيه ..
مشعل : تامر بس الشركه مقفله .. والا نسيت انك معطي الموضفين اجازه ..
: لا لا ما نسيت .. بس افتحها وجب الاوراق وش يعني .. وسعد اتصل عليه وبيجي الين البيت
مشعل : على راسي كم جد عندي انا .. بس وش السبب ...
نوآف : ايه ايه هو الي في الحسبه حقه حقه يدهن السير يبي يطول اكثر
كمل فواز : انا وانت اصلا من معطينا وجه في هالبيت .. دايم حاقرينآ ..
نوآف : الواحد وش يقول ماله الا الصبر .. الشكوى لله .. انا وانت ما نقدر نرفع عيونا فيه واذا يسأله ليه وش تبي وش السبب
فواز : لا ما دريت بعد يقوله ببنيلك الارض الي ورا جنب الحديقه ..
نوآف : انا قايلك بس خلنا نطلع بكرامتنا ..
عبدالله : بلا تحلطم انت وياه وانطموآ .. مشعل كبر وبنزوجه وانتوآ مآ وراكم الا الدجه واحد خاطب من مدري كم سنه والى الان ما يبي يتزوج والثاني جيد بس في اللعب والاستراحات ..
انطموآ صدق لان الموال بادي .. سعد : ههههههههههههههه احلى طاري تزبيد على طووووول
مشاري : تعلم تعلم .. لاتصير من ذولا المهبل .. خذ درس وسجل كل شي يسويه مشيعل ..
مشعل رجمه بالمناديل .. : اصغر عيالك انا .. بس والله ما شفتوآ الموآنه صدق .. موب انا
ضحك سليمآن بقوه على كلامه ورفع يده يمسح دموعه >> من قوة الضحك ادمعن
راشد استغرب ضحكة ابوه نزل الجريده : من الي يمون ..!!
فوزيه وعبدالله مستمعين .. مشعل : العنود بنت عمي محمد .. والتفت على العيال يعلمهم السالفه
تخيلوآ دخلنآ الفيصليه وممشيتنا محل محل .. دخلناها مانجو الا زحمه حريم قلت .. التفتت علي جدي وقالت تعال انت يا بوعبدالله معي عشان تساعدني في المقاسات .. وذا الي هو انا طبعا خله يوقف برا ..
مشاري وسعد : ههههههههههههههههههههههههههههههه وكمل سعد بهمس عارفه قدر مشيعل تعجبني ياخي
والباقي مصغين له ... وكمل : دخلوآ وتأخروآ علي .. قلت ادخل اشوف وراهم ابطوآ .. يوم دخلت وش اشوف .. ويحرك يدينه
سليمان يضحك .. عبدالله : اخلص وش صار
مشعل مبتسم : تخيلوآ معي انتوآ تخيلوآ .. جدي معآه تنوره وبلوزه ورافعها لها على جنب .. ويقول لا ناظريهم ما احسهم يناسبون مع بعض ..
فوآز : ههههههههههههههههههههههههههههههه اجل راح البرستيج ..
نايف مو مصدق هالرزه الي ما يكلمهم الا بأوآمر كذا يصير : من جدك ..
يكمل مشعل : اسمع اسمع بس .. وقفت قريب منهم عشان ما يشوفوني .. بشوف وش تقوله .. قالت بوعبدالله شف شف خلني اقولك هذا الي معك احسه حلو بس البلوزه موب راكبه .. قام جدي قالها وقفي وقفي ونادا واحد من المحل وقاله دورلي بلوزه نفس هالاوآن بس ابي موديل يختلف .. والتفت عليها وقالها وش رايك لو تكون سيور وعلى الرقبع ربطه من تشجيرة التنوره
نوآف وراشد وسعد ومشاري : ههههههههههههههههههههههههههههههههههههه
وسليمان يضحك .. : لالا قلهم يوم عند الشبشب .. وهو يضحك
سعد : لا يرحم اوومك اخاف اكره جدي
سليمان ما عنده بس يضحك .. ارتفع ضغط فوزيه : انا لو بجلس دقيقه بموت ..
طلعت وكملوآ سوآلفهم .. راشد يضحك معهم .. وعبدالله مستنكر الوضع


.................................



مر اليوم سريع .. هاجر وبناتها من بعد الصلاه جلسوآ في غرفة هاجر واسماء والعنود قررت تنقل عفشها معهم لانهم خلاص رضوآ عليها .. لما حسوآ انها تضغط على نفسها وعلى جرحها عشان تساعد نفسها وتساعدهم .. وترك غرفتها .. من التعب ودورانها في السوق نامت بدري .. وجلست الام واسماء .. يسولفون وكلامهم في مجمله عن عنوده
سليمان وعبدالله وراشد والعيال دخلوآ يسلمون على البندري وبناتها لانهم بسافرون وبيتقلون للشريقه .. مو من بعدها بس متعودين يشوفنهم كثير .. وبعدهم اكيدين بتقل الشوفات ..
واكيد الاغلبه مبسوطه لان هاجر وبناتها ما طلعوآ يخربون عليهم يومهم ..


.....................................


بعصبيه : نوووووووووووووف خلاص والله ازعجتيني ..
عبير وتضحك بشويش لا يعصب عليها هي بعد : نوف تعالي جنبي خلاص
نوف يقالك معبه ومتخصره وتهز رجل : والله فيصلوه لو ما تغير ما يصير خير
: وخري عن وجهي خليني اكمل الفلم لاتوطآ ببطنك .. وخري بلا مبزره
نوف بأسى : عبيرووو شوفيه ابي الجاسوسات خليه يغير .. فيصل والله متابعتها
فيصل رفعت ضغطه هالبزر : انتي وبعدين معك .. روحي بيتكم وتأمري هناك موب كفايك بعد ضافينك
عبير بهوء : نوفي تعالي اجلسي معي وخليه يتابع والجاسوسات ناظري اعادتها
نوف : اوووف اوووف اكرهك فيصل اكرهك .. وطلعت من شقتهم تصيح على الشقه المقابله
عبير : فيصل والله حرام عليك الفلم بايخ بس يا حبك للعناد ..
فيصل حاقرهآ ...
عبير في نفسها الله يصبرني .. وقامت بتروح للمطبخ
لحقها فيصل ودخل عليها المطبخ : عبور ...
: وشو
: قولي انك زعلتي ..
عبير مطنشته وجالسه تزين السلطه ...
: عبور ردي علي ..وراح واخذ من يدها السلطه وحطها على جنب زعلتي والا لا ..
: اذا زعلت وش الرضاوه ..
: هههههههههههههههه هذي الي ولم الشاش قبل الفلعه ما فيـ
قطع عليهم صوت جوآله .. : ما فيه رضاوه احمدي ربك لاحقك بعد
: رد رد ازين بس .. وفارق عن وجهي ..
يأشر لهآ هين .. : الو .. هلا ومرحبآ .. بخير بسماع صوتك .. وانت بشرني عنك ... ابد حياك البيت بيتك يالطيب .. لا والله لا كلافه ولا شي .. افا عليك بس ليلة خميس .. ننتظرك .. هلا والله .. مع السلامه
عبير وكانت مستمعه اكيد : منو !!
: هذا نوآف .. يقول بيسير علينآ ..
: منو نوآف انت كل يوم متعرف على واحد .. وبعدين وشو يسير علينآ في احد يسير هالوقت
: يعنبو لسانك .. الرجال متصل يقول بيجي يسلم اقوله ما نستقبلك افا والله يا بنت عبدالمجيد ما عهدناها ..
استحت الحين فيصل يذكر عادات ابوه ويطبقها وهي الكبيره تتغير : الله يحيه
: ههههههههههههههههه كتمتك
: انثبر بس .. منهو نوآف ذا ومن وين تعرفت عليه
وهو طالع : نوآف ولد عم فوآز .. وبروح اشيل فراشي من الصاله وارتبها قبل لا يجي .. شده الهمه خيتو بنعشيه
عبير بتفكير : وش يجيبه .. الله يستر الله يستر ..



...............




: نوآف الله ياخذ وجهك .. فارق يله قسم بالله عطيتك وجه
نوآف : ليه ياخي وش مسوي ... طيب انزل بلا قلة حيآ .. انزل سلم
فوآز : لاحول الله ... شكلك ما ودك تنزل ... وحرك السياره ..
فتح نوآف الباب : لالا وقف وقف بنزل ...
فوآز : يله انزل ..
نوآف : من يدري يمكن اناسب هالفيصل
فوآز انصدم من هالفكره : من جدك انت .. نوآف مشينا بس مشينآ سكر الباب ياخي انت صرت ما تفكر ابد
نوآف : ليه وش اني قايل .. عادي طيب واذا ناسبته
فوآز : نوآف انت عارف وضعهم .. ريح نفسك بس
نوآف : انا ما قلت غلط .. والبنت انا وانت عارفين ما غلطت .. ياخي وضع و...
قاطعه فوآز : انزل انزل الشرهه علي الي قايلك السالفه .. ودور احد يرجعك
نوآف : على تبن ليش جايبني كان جيت بسيارتي دامك بتمن .. بس ما عليه بخلي النسيب يوصلني
فوآز وعصب من قلب : يمين بالله لو ما تفارق عن وجهي لارتكب فيك جريمه ..
نزل نوآف وهو يضحك .. ويأشر له باي ..
ما كانت الفكره براسه بس كلام .. وعارف وش صار للبنت ما يتوقع ينزل لهالمستوى ..



......................


وش بيصير على العنود ..!!
ووش الي صار على عبير .. نقص منها ..!! هل هو حالتهم الماديه او ..!!
وش مخبي الوقت .. هي مسألة وقت ونعرف ..